Aqtóbede eki bala sýǵa batyp ketti, dep habarlaidy "Ult aqparat".
Aqtóbe oblystyq tótenshe jaǵdaidar departamentiniń kezekshi bólimine habarlama 12 mamyr kúni saǵat 22:29-da tústi.
Habar bergen adam 5 jáne 6 jasar eki balanyń Aqtóbe qalasy, Bekqul baba aýylyndaǵy Jaman Qarǵaly ózenine batyp ketkenin aitty.
Oqiǵa ornyna súńgýirler men jáne psihologtar jiberildi.
Qutqarýshylar jetkenshe sol jerdegi adamdar 2015 jyly týǵan balanyń denesin jaǵaǵa alyp shyqqan.
«Oqiǵa ornyna jetken súńgýirler 2014 jyly týǵan balanyń denesin izdeýge kiristi. Saǵat 00:09-da jaǵadan 3 metr qashyqtyqtan, 7 metr tereńdikten 6 jastaǵy balanyń denesi tabyldy. Eki bala da baqylaýsyz qalǵan. Sýǵa sheshinip túsken. Janynda ata-anasy bolsa, mundai qaiǵyly jaǵdai tirkelmes edi»,- dep habarlady oblystyq TJD baspasóz qyzmeti.
Sýǵa batyp ketkender bir otbasynyń balalary emes.
Qazirgi kezde balalardyń ata-anasyz qalai sýǵa barǵany anyqtalyp jatyr.
Aita keteiik, jyl basynan beri oblysta 5 adam sýǵa batyp ketti.
