Foto: Ashyq derekkóz
Aqtóbe oblysynda kámeletke tolmaǵan mektep oqýshysyna qatysty aýyr qylmystyq is tergelip jatyr. 25 jastaǵy er adam 14 jastaǵy qyzdy zorlady degen kúdikke ilindi. Bul aqparatty óńirlik Politsiia departamenti rastady, dep habarlaidy Ult.kz.
Qazirgi ýaqytta kúdikti ustalyp, ýaqytsha ustaý izoliatoryna qamalǵan. Sotqa deiingi tergeý Qazaqstan Respýblikasy Qylmystyq kodeksiniń 120-baby — «Zorlaý» deregi boiynsha júrgizilýde.
Politsiia ókilderiniń málimetinshe, tergeý organdary oqiǵanyń barlyq mán-jaiyn jan-jaqty jáne muqiiat tekserip jatyr. Tergeý qorytyndysy boiynsha zańdy protsessýaldyq sheshim qabyldanady.
«Tergeý múddesine jáne kámeletke tolmaǵan jábirlenýshiniń quqyqtary men zańdy múddelerin qorǵaý maqsatynda ózge aqparat jariia etilmeidi», – dep habarlady oblystyq PD baspasóz qyzmeti.
Is qoǵam nazaryn aýdaryp otyr. Kámeletke tolmaǵandardyń qaýipsizdigi máselesi taǵy da kún tártibine shyqty.
