Aqtóbede 14 jastaǵy qyzǵa zorlyq kórsetken áskeri qyzmetshi 15,5 jylǵa sottaldy

Foto:  ashyq derekkóz

Aqtóbe oblysynda kámeletke tolmaǵan qyzǵa jynystyq zorlyq kórsetti dep aiyptalǵan áskeri qyzmetshige sot úkimi shyqty. Sot ony kináli dep tanyp, 15 jyl 6 aiǵa bas bostandyǵynan aiyrdy, dep habarlaidy Ult.kz.

QR Áskeri sotynyń baspasóz qyzmetiniń málimetinshe, is kámeletke tolmaǵan jábirlenýshige qatysty bolǵandyqtan, sot protsesi jabyq rejimde ótken.

– Sot otyrysy jabyq ótti. Bul eki taraptyń da quqyqtaryn qorǵaý maqsatynda jasaldy. Sondyqtan is boiynsha tolyq aqparat jariialanbaidy. Sottalýshy 15 jyl 6 aiǵa bas bostandyǵynan aiyryldy, – dep habarlady sottyń baspasóz qyzmeti.

Is Qazaqstan Respýblikasy Qylmystyq kodeksiniń «Zorlaý» baby boiynsha qaralǵan. Sot otyrysy Astana qalasyndaǵy áskeri sotta ótti.

Eske salaiyq, buǵan deiin Aqtóbe oblysynyń Hromtaý qalasynda 14 jastaǵy oqýshy qyzǵa zorlyq kórsetti degen kúdikpen 25 jastaǵy er adam ustalǵany habarlanǵan edi.