Aqtóbede Bilim jáne ǵylym ministriniń arnaiy buiryǵymen tanystyrǵan shendiler mektep kiim úlgisin saqtamaǵan oqýshy qyz balalar sany 179 bolǵanyn habarlady, dep jazady jergilikti basylym.
«Olardyń ata-analaryna aqparattyq-túsindirme jumystary qazirgi kúnge deiin júrgizilip otyr. 111 oqýshy mektep formasyna aýysyp, kimeshek, oramalyn sheshti, al 21 oqýshy otbasylyq jaǵdailaryna bailanysty basqa oblystarda ornalasqan oqý oryndaryna aýysty. 1 oqýshy densaýlyq jaǵdaiyna bailanysty úide bilim alady. 2-i emdeý mekemelerinde uzaq merzimdi emdelip jatyr», — dep habarlaidy qala ákiminiń baspasóz qyzmetinen.
Búginde Aqtóbe qalasyndaǵy mektepterge 44 oqýshy qyz oramal taǵyp kelip júr.
Mektep formasyna qatysty № 40, 49, 13, 36, 62, 23, 8, 60 jáne 48 orta mektepteriniń ata-analary sotqa júgingen bolatyn. Alaida, qalalyq sot olardy qanaǵattandyrmady.
