Aqtóbede jol-kólik apaty saldarynan úsh adam kóz jumdy, dep habarlaidy "Ult aqparat".
Oqiǵa 21 maýsym kúni saǵat 17:21-de «Qarabutaq-Qostanai» avtojolynyń 171-shaqyrymynda boldy.
«Lifan» avtokóliginiń 57 jastaǵy júrgizýshisi qarsy bettegi jolaqqa shyǵyp ketip, Resei azamatynyń basqarýyndaǵy «Man» júk avtokóligimen soqtyǵysty.
Saldarynan «Lifan» avtokóliginiń júrgizýshisi, 41 jáne 62 jastaǵy eki jolaýshy oqiǵa ornynda kóz jumdy.
«Sonymen qatar 52 jastaǵy áiel men 48 jastaǵy er adam Áiteke bi aýdandyq aýrýhanasyna jetkizildi. Ókinishke qarai kólik júrgizýshileri men jaiaý júrginshiler jol erejesin saqtamai, qaiǵyly jaǵdaiǵa dýshar bolyp jatady», - deidi Aqtóbe oblysy Politsiia departamentiniń bastyǵy Atyǵai Arystanov.
