Foto: polisia.kz
Temir aýdanyna qarasty Eńbekshi aýylynda 2002 jyly týǵan muǵalimniń máiiti tabyldy, dep habarlaidy Ult.kz.
Ol úi aýlasyndaǵy sharýashylyq qurylys nysanynan tabyldy.
Pedagog sabaqqa kelmegen soń áriptesteri alańdaýshylyq bildirip, onyń úiine barǵan. Sol jerde muǵalimniń denesin tapqan. Jas maman aǵasymen birge turǵan, ata-anasy Aqtóbe qalasynda turady.
Marqum tarih páninen sabaq bergeni belgili. 2025 jyldyń aqpan aiynan bastap Eńbekshi aýylynyń mektep-balabaqshasynda jumys istegen.
Atalǵan fakti boiynsha sotqa deiingi tergeý bastaldy, oqiǵanyń mán-jaiy anyqtalýda. Aldyn ala málimet boiynsha, sýitsid nusqasy qarastyrylyp jatyr. Muǵalim úilenbegen, aýyl mektebinde bir jylǵa jetpeitin ýaqyt eńbek etken.
