Foto: Polisia.kz
Ishki ister ministrligi Aqtóbe oblysynda bopsalaýmen ainalysqan eki qylmystyq toptyń ustalǵanyn málimdedi, dep habarlaidy Ult.kz.
Vedomstvonyń málimetinshe, naýryz aiynda politseiler jedel aqparatty iske asyrý barysynda Hromtaý qalasynda áreket etken topty anyqtaǵan. Qylmystyq orta ókilderi shahterlerdi qorqytyp, kúsh qoldaný arqyly aqsha bopsalaǵan. Alaida jábirlenýshiler quqyq qorǵaý organdaryna shaǵym túsirmegen.
Jedel qyzmetkerler kúdiktilerdi tolyq anyqtap, qajetti dálelderdi jinaǵannan keiin barlyq qatysýshylardy bir mezette ustaý operatsiiasyn júrgizdi. 20 sanktsiialanǵan tintý barysynda aqsha men basqa da aiǵaq zattar tárkilendi.
Sondai-aq osyǵan uqsas qylmystyq áreketter Aqtóbe qalasynda da toqtatyldy. Munda politsiia kóńil kóterý oryndaryna baǵyttalǵan bopsalaýshylar tobyn áshkerelegen. Qaskóiler kúsh qoldaný jáne kúzet qyzmetkerlerine qysym kórsetý arqyly ózderiniń zańsyz «qorǵaýyn» májbúrli túrde usynǵan.
Qazirgi ýaqytta atalǵan derekter boiynsha tergeý amaldary júrgizilip jatyr.
