Foto: ashyq derekkóz
Aqtóbe oblysynda 23 jastaǵy jas pedagogtyń qaza bolýyna bailanysty tergeý amaldary bastaldy, dep habarlaidy Ult.kz.
Aldyn ala málimet boiynsha, marqum óz-ózine qol jumsaǵan. Alaida ony mundai qadamǵa ne itermelegeni ázirge belgisiz.
Belgili bolǵandai, ol Temir aýdany Altyqarasý aýyldyq okrýgine qarasty Eńbekshi mektebinde tarih pániniń muǵalimi bolyp jumys istegen. Áriptesteri onyń jumysyna jaýapkershilikpen qaraityn, belsendi ustaz bolǵanyn aitady. Birneshe kún buryn ǵana ashyq sabaq ótkizgeni belgili boldy.
Atalǵan derek boiynsha Temir aýdandyq politsiia bólimi sotqa deiingi tergep-tekserý jumystaryn bastady. Qazirgi ýaqytta oqiǵanyń barlyq mán-jaiy anyqtalyp jatyr.
