Foto: UQK
Naýryz aiynda Ulttyq qaýipsizdik komiteti Shekara qyzmeti ótkizgen jedel is-sharalar barysynda elimizdiń birneshe óńirinde zańsyz kóshi-qon, kontrabanda jáne esirtki prekýrsorlarynyń iri partiialary anyqtaldy, dep habarlaidy Ult.kz.
Aqtóbe oblysy shekarasynda júk avtokóliginiń tirkemesinde jasyryn ótýge árekettengen 18 shetel azamaty ustaldy. Soltústik Qazaqstanda sintetikalyq esirtkilerdi daiyndaýǵa arnalǵan 5100 litr prekýrsor tabylyp, zańsyz tasymaly joldan kesildi. Biyldan beri jalpy 9 620 litr himiialyq zat («Tuz qyshqyly», «Atseton», «Fenippentan») jáne 1000 keli «Bromketon-4» zańsyz tasymaldaýdan aman qaldy.
Qabyldanǵan sharalar esirtki zerthanalarynyń joiylýyna jáne sońǵy alýshylardyń anyqtalýyna múmkindik berdi.
Sonymen qatar Jambyl oblysy shekarashylary shetelge 1 milliard teńge somasyna 160 tonna ken men baǵaly metaldar kontsentrattaryn zańsyz áketý áreketiniń jolyn kesti. Barlyq faktiler boiynsha materialdar protsessýaldyq sheshim qabyldaý úshin quzyretti organdarǵa joldandy.
