Foto: Videodan skrinshot
Tańǵy saǵat shamamen 6:00-de Aqtóbe qalasynda Aqjar kóshesinde ornalasqan janarmai quiý beketindegi rezervýarlardyń birinde gaz jaryldy, dep habarlaidy Ult.kz.
Odan keiin órt ekinshi jer ústi tsisternasyna, turaqta turǵan gaz tasymaldaýshy kólikke jáne operatorlyq ǵimaratyna taraǵan.
Tótenshe jaǵdailar qyzmetiniń mamandary yqtimal qaitalama jarylystardyń aldyn alyp, órttiń odan ári jaiylýyna jol bermeý úshin joǵary qaýip jaǵdaiynda jumys istedi. Órtti sóndirýge shamamen 60 adam jumyldyryldy.
Órt jetinshi saǵat shamasynda tolyqtai sóndirildi. Qyzyl jalyn sharpyǵan aýmaq 200 sharshy metrdi qurady.
