Foto: ashyq derekkóz
Aqtaý qalasynda júkti áielderdi jalǵan jumysqa ornalastyrý arqyly memlekettik tólemderdi zańsyz alǵan alaiaqtyq isi boiynsha sot úkimi shyqty, dep habarlaidy Ult.kz.
Isti Qarjylyq monitoring agenttiginiń Mańǵystaý oblysy boiynsha departamenti tergegen. Tergeý málimetinshe, býhgalter óziniń kásibi bilimin paidalanyp, júkti áielderge arnalǵan áleýmettik tólemderdi zańsyz alý shemasyn uiymdastyrǵan.
Ol Instagram áleýmettik jelisi arqyly ózin áleýmettik tólemderdi rásimdeý jónindegi maman retinde tanystyryp, járdemaqy kólemin kóbeitip berýge ýáde etken. Shemany iske asyrý úshin kúdikti týystary men tanystarynyń atyna naqty qyzmet júrgizbegen birneshe jeke kásipkerlikti tirkegen.
Elektrondyq tsifrlyq qoltańbalardy paidalana otyryp, býhgalter jalǵan jumysqa qabyldaý týraly buiryqtar, eńbek sharttary men esep qujattaryn ázirlegen. Osylaisha, zańdy eńbek qatynastary bar degen jalǵan kórinis qalyptastyrylǵan.
Jalǵan málimetterdiń negizinde ýákiletti organdar járdemaqylardy negizsiz joǵary mólsherde taǵaiyndaǵan. Keibir kásipkerler tólemderdi alǵan soń, buryn aýdarylǵan zeinetaqy jáne áleýmettik aýdarymdardy keri qaitarýdy rásimdegen.
Nátijesinde memleketke 146 mln teńge kóleminde zalal keltirilgen. Qylmystyq jolmen alynǵan qarajatqa satyp alynǵan úsh bólmeli páterge tergeý barysynda tyiym salyndy.
Sot úkimimen aiyptalýshy 5 jylǵa bas bostandyǵynan aiyryldy. Páter memleket kirisine tárkilendi. Úkim zańdy kúshine endi.
