Foto: Mańǵystaý PD baspasóz qyzmeti
Aqtaýda arnaiy operatsiia kezinde esirtkige qatysty birneshe qylmys boiynsha kúdikti tórt adam ustaldy. Qylmystyq is qozǵaldy, dep habarlaidy Mańǵystaý oblystyq politsiia departamenti.
Vedomstvonyń baspasóz qyzmetiniń málimetinshe, Mańǵystaý oblysy boiynsha esirtki qylmysyna qarsy kúres departamentiniń qyzmetkerleri Aqtaýda jedel tergeý sharalaryn júrgizdi.
"Shara kezinde tórt adam ustaldy. Tintý jáne tekserý kezinde esirtki zaty — marihýana (3 kg 700 gramm) tárkilendi. Sondai-aq aiǵaq retinde uialy telefondar men elektrondyq tarazylar tárkilendi", - dep habarlady oblystyq politsiia departamenti ókilderi.
Atalǵan fakti boiynsha qylmystyq is qozǵaldy, qazirgi ýaqytta sotqa deiingi tergeý amaldary júrgizilýde.
Tergeý múddesine bailanysty basqa aqparat jariia etilmeidi.
