Búgin Mańǵystaý oblysynyń ákimi Serikbai Trumov «Qazaqstan barysy» respýblikalyq týrnirine óńir atynan qatysqan Nurdáýlet Jarylǵapov pen Jasulan Tańatovty jáne qazaq kúresinen jattyqtyrýshy Qairat Býrbasovty qabyldady, dep habarlaidy "Ult aqparat".
Serikbai Trumov QR Tuńǵysh Prezidenti - Elbasy N.Á. Nazarbaevtyń júldesi úshin qazaq kúresinen ótken «Qazaqstan Barysy» respýblikalyq týrnirinde qola júldege ie bolǵan N.Jarylǵapov pen onyń bapkerin aitýly jeńispen quttyqtady.
«Elimizdiń ár óńirinen iriktelgen kil myqtylardyń ishinen sýyrylyp shyǵyp, júldeli oryndy ielengen Nurdáýlettiń jeńisi biz úshin maqtanysh. «Qazaqstan barysy» bastalǵaly 10 jylda Mańǵystaý qorjynyna alǵash ret júlde túsken eken. Nurdáýlet Jarylǵapovtyń jeńisti joly jalǵasa bersin. Osy jyly Mańǵystaý oblysynyń sportshylary túrli deńgeidegi jarystarda óte jaqsy dárejede óner kórsetti. Bul jetistikterdiń barlyǵy bizdiń oblysymyzdyń dene shynyqtyrý jáne sport salasynyń damýyna jańa qarqyn beretinine senemiz. Sizderdiń sporttaǵy alar asýlaryńyz áli de biik bolýyna tilektespiz. Biz sportshylarymyzǵa úlken senim artamyz. Jeńisten jeńiske jete berińizder!»,-dedi oblys ákimi S.Trumov.
Oblys ákimi mańǵystaýlyqtardyń atynan N.Jarylǵapovqa - Aqtaý qalasynan páter, al onyń jeke bapkeri Qairat Býrbasovqa 1 mln teńgeniń sertifikatyn tabys etti.
El Táýelsizdiginiń 30 jyldyǵy, Qajymuqan Muńaitpasulynyń 150 jyldyǵyn merekeleý aiasynda ótkizilgen týrnirge respýblikanyń 14 oblysynan, Almaty, Shymkent, Nur-Sultan qalalarynda irikteýden ótken 37 úzdik balýan qatysqan.
