Foto: ashyq derekkóz
Aqtaýda jol-kólik oqiǵasy adam ólimimen aiaqtaldy. Qaiǵyly jaǵdai 7 sáýir kúni saǵat 16:15 shamasynda 11A men 26-shaǵynaýdandar arasyndaǵy jolda, «Jiger» saýda ortalyǵy mańynda bolǵan, dep habarlaidy Ult.kz.
Mańǵystaý oblystyq Politsiia departamentiniń málimetinshe, 78 jastaǵy áiel adam joldy belgilenbegen jerden kesip ótpek bolǵan. Osy sátte ony «Skoda Octavia» markaly avtokólik qaǵyp ketken.
Aýyr jaraqat alǵan keiýana oqiǵa ornynda jan tapsyrdy.
Atalǵan derek boiynsha Qazaqstan Respýblikasy Qylmystyq kodeksiniń 345-baby 3-bóligimen sotqa deiingi tergeý bastaldy. Bul bap abaisyzda adam ólimine ákelgen jol qozǵalysy erejelerin buzý deregin qamtidy. Kináli dep tanylǵan jaǵdaida 5 jylǵa deiin bas bostandyǵynan aiyrý jazasy kózdelgen.
