Foto: t.me/qr_tjm
Bul týraly Túrkiianyń kólik jáne infraqurylym ministri Abdýlkadir Ýraloglý málimdedi, dep habarlaidy Anadolu Ajansi.
Onyń aitýynsha, Ázerbaijan áýe joldarynyń qulaǵan ushaǵyn tergeýge 8 adamnan turatyn túrik mamandary toby qatysady. Saraptama komissiiasy Ázerbaijan Memlekettik azamattyq aviatsiia agenttiginiń ótinishi boiynsha qurylǵan.
– Biz tehnikalyq jáne operatsiialyq taldaý júrgizip, qajetti qoldaý kórsetemiz. Biz quzyrly organdarmen kelise otyryp, oqiǵanyń tolyq mán-jaiyn anyqtap, nátijelerin habarlaityn bolamyz, - dedi ol.
Oraloglý delegatsiianyń 27 jeltoqsan kúni keshke Bakýge attanǵanyn aitty.
- Túrkiia kez kelgen jaǵdaida Ázirbaijandy qoldaidy, - dedi ol.
Ministr ushaq apatynda qaza tapqandardyń jaqyndaryna kóńil aityp, zardap shekkenderdiń tezirek saýyǵyp ketýin tiledi.
Buǵan deiin Aqtaýǵa apatqa ushyraǵan Embraer ushaǵynyń óndirýshileri kelgeni habarlanǵan bolatyn.
Jeltoqsannyń 25-i kúni Bakýden Groznyiǵa ushyp bara jatqan Ázirbaijan áýe joldarynyń ushaǵy Aqtaý mańynda Qazaqstan aýmaǵynda qulady. Bortta 67 adam, onyń ishinde bes ekipaj múshesi bolǵan. Oqiǵa saldarynan 38 jolaýshy qaza tapty.
