7 maýsymnan bastap Aqtaý halyqaralyq áýejaiy jobaǵa resmi túrde qosylady, dep habarlaidy "Ult aqparat".
Búginde osy joba aiasynda Mańǵystaý oblysynda 286 kásiporyn jumys istep tur. Onyń ishinde 258 nysan resmi túrde jobaǵa endi, al 28 nysan test rejiminde qyzmet atqaryp jatyr.
Bul týraly qoǵamdyq kommýnikatsiia ortalyǵynda ótken brifingte Mańǵystaý oblysy kásipkerlik jáne saýda basqarmasynyń basshysy Janna Toqbaeva málim etti.
Onyń aitýynsha, 28 mamyr kúni jobaǵa taǵy 10 kásipkerlik nysan qosylady.
Baspasóz konferentsiiasyna Mańǵystaý oblysy Kásipkerler Palatasy direktorynyń orynbasary Aqqý Aitjan da qatysty.
Onyń málimetinshe, Mańǵystaý oblysynda Ashyq jobasyna Qazaqstan Respýblikasy Ulttyq Ulanynyń 5548, 3502 jáne 6656 áskeri bólimderi tirkeldi.
«Budan bólek Ashyq jobasy boiynsha kelesi mekemeler jumys isteidi: «Kaskor-Mashzavod» AQ, Abai atyndaǵy mádeni-saýyq kesheni, Mańǵystaý indýstriialyq parki, Sh. Esenov atyndaǵy Kaspii tehnologiialar jáne injiniring ýniversiteti, «Otpan» MKQK, Mańǵystaý oblysynyń qýyrshaq teatry, Ǵylymi-ádistemelik jáne mádeni-demalys qyzmeti ortalyǵy, «Kaspii» kásibi fýtbol klýby, Mańǵystaý óner kolledji jáne Mańǵystaý týrizm kolledji. 22 mamyrdaǵy №22 qaýlyǵa sáikes, Ashyq jobasy boiynsha loto klýbtardyń qyzmetine de ruqsat etildi», - dedi Aqqý Aitjan.
