Foto: Khaama Press
AQSh-taǵy túrmede otyrǵan Venesýela prezidenti Nikolas Madýro 8 naýryz - Halyqaralyq áielder kúnine orai el turǵyndaryna úndeý joldady, dep habarlaidy Ult.kz.
Saiasatkerdiń uly Nikolas Madýro Gerra áleýmettik jelide jariialaǵan úndeýde ol otandastaryn ózine senimin joǵaltpaýǵa shaqyryp, el barlyq qiyndyqty eńseretinine ýáde bergen.
"Isa bizge bylai úiretken: eger sender senimge ie bolyp, kúmándanbasańdar, tipti taýǵa da "kóterilip, teńizge qula" dep aitsańdar, solai bolady. Bizge keide jolymyzdy bógeitin qiyndyq taýyn qozǵap, olardy otanymyz úshin erkin jolǵa ainaldyratyn shynaiy ári ortaq senim ber", - degen ol.
Eske salaiyq, 2026 jylǵy 3 qańtarda AQSh arnaiy kúshteri Venesýela astanasy Karakasta operatsiia júrgizip, Venesýela prezidenti Nikolas Madýro men onyń jubaiy Siliia Flores-ti ustap áketken.
AQSh biligi Madýrony esirtki saýdasy, «narkoterrorizm» jáne qarý-jaraqqa bailanysty qylmystar boiynsha aiyptap otyr.
Ol AQSh sotynda ózin kinásizbin dep málimdegen jáne qazir isi boiynsha sot protsesin kútýde.
Taqyryp boiynsha: Madýro Niý-Iorkte ótken alǵashqy sot otyrysynda kinásiz ekenin málimdedi
Bul operatsiiany keibir elder halyqaralyq quqyqty buzý dep synǵa aldy, al keibir venesýelalyq oppozitsiia ony qoldady.
Madýro ustalǵannan keiin Venesýelada ýaqytsha bilikti vitse-prezident Delsi Rodriges atqaryp otyr.
