Foto: depositphotos.com
Qazaqstannyń AQSh-taǵy elshiligi shekaralardyń qaýipsizdigin nyǵaitýǵa jáne zańsyz kóshi-qondy qysqartýǵa baǵyttalǵan AQSh-tyń kóshi-qon saiasaty qatańdaýyna bailanysty málimdeme jasady, - dep habarlaidy Ult.kz, Massaget.kzke silteme jasap.
Diplomatiialyq ókildik Amerika Qurama Shtattarynda júrgen qazaqstandyqtardy Amerika biliginiń talaptaryn saqtaýǵa shaqyrdy.
"AQSh aýmaǵynda júrgen Qazaqstan Respýblikasynyń azamattary! Amerika biligi qabyldaǵan sharalar elge zańsyz kelgen sheteldikterge (elge jaramdy vizasyz jáne grin kartasyz kelgen adamdar) jáne Amerika Qurama Shtattarynda júrgen zańsyz migranttarǵa qatysty. AQSh-qa qaita kirýdi shekteý arqyly elden shyǵarý, qamaýǵa alý siiaqty májbúrleý sharalarymen qatar, áleýmettik tólemder, jumysqa ruqsat berý qujattary jáne basqa da jeńildikter joiylady", - dep jazylǵan habarlamada.
Elshiliktiń baspasóz qyzmeti málimetinshe, amerikalyq bilik qabyldaǵan sharalar eń aldymen elde zańsyz júrgen sheteldik azamattarǵa qatysty bolmaq.
"AQSh biligi elde bolýǵa zańdy qujattary joq sheteldik azamattarǵa (jaramdy viza, turýǵa ruqsat (grin karta) jáne basqa qujattar bolmaýy) AQSh aýmaǵynan óz erkimen ketýge múmkindik beredi. Bul shara azamattarǵa elden májbúrlep shyǵaryp jiberýden jáne AQSh vizasyn qaita berý kezinde kirýge tyiym salýdan aýlaq bolýǵa múmkindik beredi", - dep naqtylady elshilik ókilderi.
Eske salaiyq, buǵan deiin AQSh-ta Tramptyń inaýgýratsiiasynan keiin migranttarǵa qarsy reidter bastalatyny habarlandy.
Alǵashqy reidter Chikagoda, keiin Niý-Iorkte, Los-Andjeleste, Denverde jáne Maiamide ótetini aityldy. Buryn qylmys jasaǵan adamdarǵa erekshe nazar aýdarylmaq. Buǵan AQSh immigratsiialyq jáne kedendik baqylaýynyń barlyǵy 200-ge jýyq qyzmetkeri qatysady.
