Jeksenbi kúni AQSh-tyń Missisipi men Lýizina shtattarynda bolǵan joiqyn tornado saldarynan alty adam qaza tapqan. Bul týraly "Ult aqparat" CNN-ge silteme jasap habarlaidy.
CNN málimetteri boiynsha, tornado saldarynan júzden astam ǵimarattar men qurylystar qiraǵan. Missisipi shtatynyń Loýrens aimaǵynda eki adam, Ýoltholl aimaǵynda bir adam jáne Djefferson Devis aimaǵynda úsh adam qaza tapqan.
Missisipi shtatynyń gýbernatory Teit Riva tótenshe jaǵdai jariialady.
Jeksenbi kúni seteorologiialyq biýro tornado týraly 25 habarlama taratqan. Eldiń ońtústik jáne shyǵysyndaǵy 20 shtatta turatyn 95 millionnan astam adam tabiǵattyń dúlei kúshine tap boldy.
Elektr energiiasynyń irkilisin baqylaityn PowerOutage.us málimetterinshe, Tehasta 103 027 tutynýshy, Arkanzasta 75 865 tutynýshy, Alabamada 64 141 adam, Lýizianada 37 842, al Missisipide 15 920 adam jaryqsyz qalǵan.
