AQSh-tyń Minnesota shtatynyń gýbernatory afroamerikalyq Djordj Floidtyń óliminen keiin AQSh qalalarynda bastalǵan qarsylyq sharalarynyń endi qara násildiniń ólimine qatysy joq ekenin málimdedi.
Ony syrttan kelgen radikaldar ádeii uiymdastyryp jatyr. AQSh qalalarynda komendanttyq saǵat engizildi, dep habarlaidy BBC agenttigi.
Áýeli Minneapolis shtatynyń iri qalasynda, sodan keiin Vashingtonda, Atlantada, Niý-Iorkta jáne eldiń basqa da iri qalalarynda qarsylyq sharasyna qatysýshylar men politseiler arasynda qaqtyǵys boldy. Floidtyń moinyna tizesin qoiyp, tunshyqtyrǵan burynǵy politsei qamaýǵa alyndy. 44 jastaǵy Derek Shovinge kisi óltirdi degen aiyp taǵylyp otyr. Taǵy da úsh politseige qatysty tergeý jalǵasýda. Qarsylyq tanytýshylar olardy sotqa berýdi talap etip jatyr.
Osyǵan deiin AQSh-tyń Minneapolis qalasynda qarýsyz afroamerikalyq azamat politseilerdiń qolynan qaza taýyp, keiin AQSh qalalarynda qarsylyq sharasy ótip, oǵan qatysýshylardyń politseilermen qaqtyǵysqandyǵy týraly aityldy.
