El astanasynda terekten túsken ulpalar órtenip, Qazaqstan prezidentiniń rezidentsiiasy – Aqorda mańy kók tútinniń astynda qaldy. Oqiǵa kýágerleri áleýmettik jelilerde videolar jariialai bastady.
Búgin, 25 mamyrda saǵat 14-06-da Nur-Sultan qalasynyń Qonaev kóshesinde terek mamyǵy janyp jatqany anyqtalǵan. TJD Órt sóndirý bólimsheleri órt shyqqan jerge shaqyrtý boiynsha bardy.
"Órt sóndirýshiler saǵat 14:13-te kelgen boida aldyn ala 250 sharshy metr aýmaqta terek mamyǵy janyp jatqanyn anyqtady. Órtti sóndirýge Nur-Sultan qalasy TJD jeke quramnan 10 adam, 2 tehnika jumyldyryldy. Órt saǵat 14.29-da sóndirildi", - delingen Nur-Sultan qalasynyń TJD baspasóz qyzmeti habarlamasynda.
Nur-Sultan qalasy TJD qyzmetindegiler qala turǵynadryna eskertý jasady.
"Terek mamyǵyn tutatpańyz jáne balalardyń da ony jaǵýyna jol bermeńiz. Kóshede terek mamyǵymen oinap júrgen balalarǵa da eskertińiz! Oiynnyń sońy qaiǵyly jaǵdaiǵa ulasýy múmkin ekenin túsindirińiz! Osylaisha siz qaiǵyly jaǵdaidyń aldyn ala alasyz", - delingen habarlamada.
