Foto: TJM
Aqmola oblysynda bóget buzylyp, shuǵyl túrde apatty-qalpyna keltirý jumystary bastaldy, dep habarlaidy Ult.kz.
Tótenshe jaǵdailar ministrliginiń málimetinshe, Qorǵaljyn aýdanyndaǵy «Shoptykól» bógetinde aqaý anyqtalǵan. Gidrotehnikalyq nysan Sabyndy aýylynan soltústikke qarai 2 shaqyrym jerde ornalasqan.
Qazir oqiǵa ornynda sýdy qaýipsiz ótkizý úshin jedel sharalar qolǵa alynǵan. Bógetti nyǵaitý, inertti materialdar tógý jáne sý arnasyn burý jumystary júrgizilip jatyr.
Apat saldaryn joiýǵa TJM, jergilikti atqarýshy organdar, politsiia jáne jol qyzmetteri jumyldyrylǵan. Jalpy sany 170-ke jýyq adam men 43 birlik tehnika tartylǵan.
Vedomstvonyń habarlaýynsha, jaǵdai turaqty baqylaýda.
