Aqmola oblysynyń ákimi Ermek Marjyqpaev Kóbeituz kólin qorǵaýǵa qatysty pikir bildirdi, dep habarlaidy "Ult aqparat".
«Ótken jyly bul másele qoǵamdyq rezonans týdyrdy. Memleket basshysy bul máselege nazar aýdardy. Bul kól ó bizdiń óńirdegi erekshe oryndardyń biri. Osy oraida kóldi saqtap qalý úshin ol jerde adamdar qyzmet etti. Sol aýmaqta sanitarlyq, sýdy qorǵaý aýmaǵyn jasadyq. Sonymen qatar, Ekologiia ministrligimen birlese tiisti taldaý júrgizdik. Ondaǵy sý men tuzda aýyr metaldar kóp ekeni anyqtaldy. Sondyqtan týristerdiń densaýlyǵy úshin atalǵan kólde bolý qaýipsiz emes», - dedi Marjyqpaev Ortalyq kommýnikatsiialar qyzmetinde.
Bul turǵyda ol adamdardy Kóbeituzǵa barýdan bas tartýdy surady.
Budan buryn habarlanǵandai, jyqynda Ekologiia, geologiia jáne tabiǵi resýrstar ministri Maǵzum Myrzaǵaliev qazaqstandyqtarǵa Kóbeituzǵa barmaýǵa keńes berdi.
Vedomstvo basshysy Kóbeituzdyń sýy men tuzy adam aǵzasyna qaýip tóndirýi múmkin degen boljam aitty.
