Foto: Pexels.com
Aqmola oblysynyń Bestóbe aýylynda jetinshi balasyna júkti, alty balanyń anasy bolǵan 34 jastaǵy áiel jedel járdem kelgenge deiin qaitys boldy, dep habarlaidy Ult.kz sinegor.kz paraqshasyna silteme jasap.
Qaiǵyly oqiǵa 18 qazan kúni keshke bolǵan. Áiel úide otbasymen birge bolyp, ózin nashar sezinip, sharshaǵanyn aityp, demalýǵa jatqan. Týystary ony óli kúiinde tapqan. Júktiliktiń merzimi 34 apta bolǵan.
Jedel járdem qyzmetkerleri aqmolalyq áiel olar kelgenge deiin qaitys bolǵanyn rastady. Aldyn ala ólim sebebi – jedel júrek jetkiliksizdigi. Zorlyq-zombylyq belgileri tabylmaǵan.
Politsiia Bestóbe turǵynynyń ólimi boiynsha sotqa deiingi tergeý bastalǵanyn, saraptamalar men tergeý is-sharalary júrgizilip jatqanyn habarlady. Qylmystyq kodekstiń baby boiynsha basqa aqparat jariialaýǵa jatpaidy.
