Foto: yandex.kz
Aqmola oblysynda turǵyndardyń shaǵymyna bailanysty jol boiyndaǵy servistiń nasharlyǵy úshin bir basshy qyzmetten alyndy, dep habarlaidy Ult.kz.
Kólik ministrliginde ótken keńeste jol qurylysy maýsymyna daiyndyq, material qory jáne sý tasqyny kezeńine daiyndyq máseleleri talqylandy. Ájethanalardyń kúii halyq jii shaǵym aitatyn basty másele. Tekserý kezinde respýblikalyq joldar boiyndaǵy 684 nysan qaralǵan, olardyń 13-i múlde jumys istemeidi, taǵy 69-y nashar jaǵdaida ekeni anyqtaldy.
«QazAvtoJoldyń» aqparaty boiynsha, Aqmola oblysyndaǵy «KAJ-Servis» filialynyń basshysy qyzmetinen bosatylyp, birneshe jaýapty adam baqylaýdy oryndamaǵany úshin jazalanǵan.
Ministrlik barlyq jol boiyndaǵy servis nysandaryn tez arada tártipke keltirip, olardyń úzdiksiz jumysyn qamtamasyz etý, infraqurylymǵa jaýapkershilikti kúsheitý jáne qoǵamdyq baqylaýdy arttyrýdy tapsyrdy.
