Aqmola oblysynda 15 shildeden bastap karantindik shekteýler kúsheitiletin boldy, dep habarlaidy "Ult aqparat".
Óńirdiń bas sanitar dárigeriniń jańa qaýlysy boiynsha óńirde qoǵamdyq tamaqtaný nysandary men úi ishinde otbasylyq toi-jiyn men eske alý sharalaryn ótkizýge salynǵan tyiym jalǵasatyny aitylǵan.
Parkterge, alańdarǵa, skverlerge jáne halyqtyń basqa da demalys oryndaryna úsh adamnan aspaityn toptarmen nemese bir otbasy múshelerimen áleýmettik qashyqtyqty saqtai otyryp, jeke qorǵaný quraldaryn paidalaný arqyly barýǵa ruqsat etiledi.
«Aýdandar men Kókshetaý, Stepnogorsk qalalarynyń ákimderine kópshilik is-sharalardy, otbasylyq is-sharalardy jáne adamdar kóp jinalatyn ózge de is-sharalardy, onyń ishinde úide, sondai-aq ashyq aýada ótkizýge tyiym salýdy qamtamasyz etý tapsyrylady», - dep jazylǵan qujatta.
Oiyn-saýyq mekemeleriniń (túngi, oiyn klýbtary jáne basqalary), býkmekerlik keńselerdiń jáne eresekter men balalarǵa arnalǵan basqa da oiyn-saýyq mekemeleriniń, kalian mekemeleriniń, onyń ishinde qoǵamdyq tamaqtaný obektileri janyndaǵy mekemelerdiń qyzmetine tyiym salynady.
Al Ashyq jobasyna qatyspaityn oryndarda kórmeler, marafondar, merekelik korporativter, eske alý ótkizýge de tyiym salynady. Ashyq júiesine kirmegen oblysaralyq, oblysishilik, qalalyq turaqty jáne turaqty emes avtobýs tasymaldaýshylarǵa týristerdi tasýy, oiyn alańdary, attraktsiondar men jabyq úi-jailardaǵy batýttar qyzmeti epidemiologiialyq ahýal turaqtanǵansha toqtatylatyn boldy.
Biliard, karaoke, kompiýterlik klýbtar, banket zaldary, boýling klýbtary, mádeni nysandar, kinoteatrlar, teatrlar, kontsert zaldary, filarmoniia mekemeleri, jabyq jaǵajailar jáne akvaparkter de qyzmetin ýaqytsha toqtatpaq. Al sporttyq is-sharalar kórermensiz ǵana ótkizilýi kerek. Al poiyzdar ortaq vagondarǵa adam almai qatynai alady.
Qaýlyda oblystaǵy dini oryndarda ǵibadat jasaý úshin ǵimarat ishinde ár adamǵa 4 sharshy metr aýmaq qamtamasyz etilip, adam sanyn 30-dan asyrmai, maskalyq rejimdi saqtaý otyryp ruqsat beriletini aitylǵan.
«Qurban ait» merekesin atap ótý is-sharalary tek onlain rejimde iske asyrylsyn», - dep jazylǵan qaýlyda.
Qaýly 15 shilde kúni saǵat 00-den bastap kúshine enedi. Qaýlynyń tolyq mátinimen myna jerde tanysýǵa bolady.
