Aqmola oblysynda habar-osharsyz ketken 61 jastaǵy er adam izdestirilýde, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, biylǵy jylǵy 30 maýsymda Kókshetaý qalalyq politsiia basqarmasynyń kezekshilik bólimine 31 jastaǵy qala turǵyny habarlasyp, 1960 jyly týǵan ákesi Bolatbek Qorǵanbekuly Battalovty izdep tabýǵa kómek suraǵan.
Ulynyń aitýynsha, ákesiniń boiy 165-170 sm, dene bitimi ortasha, shashy qysqa, kózi qońyr, murtty. Ústine qara triko, sur jide, sur qalpaq, aiaǵyna qara tústi aiaq kiim kigen. Er adam umytshaq aýyrýymen aýyrady.
Qazirgi ýaqytta politsiia qyzmetkerleri joǵalǵan adamnyń ornalasqan jerin anyqtaýǵa baǵyttalǵan jedel-izdestirý sharalaryn júrgizýde. Politsiia qyzmetkerleri kez kelgen joǵalǵan er adamǵa qatysty qandai da bir málimeti bar adamdarǵa «102» arnaiy jelisine qońyraý shalýdy suraidy.
