Keshe Tselinograd aýdanyna qarasty Qabanbai aýyly mańyndaǵy karerde jumysshy qaza tapty. Ekskavator sý aidynyna aýdarylyp, kabina ishinde otyrǵan azamat syrtqa shyǵa almai, sýǵa batyp ketken.
Karerdi «Astana Keramika» JShS igerip jatqan.
Aimaqtyq «Naiza Kokshe» basylymynyń jazýynsha, bastapqy tergeý marqumnyń da, arnaiy tehnikanyń iesiniń de atalǵan kompaniiamen kelisimsharty bolmaǵanyn kórsetken. Sonymen qatar osy ýchaskede qum óndirýdiń zańdylyǵy da tekserilmek.
Eńbek inspektsiiasy jumys berýshi tarapynan bul jazataiym oqiǵa týraly eshqandai málimet túspegenin habarlady. Qazir oqiǵanyń barlyq mán-jaiy anyqtalyp jatyr.
«20 aqpan kúni saǵat 12:40 shamasynda Tselinograd aýdandyq politsiia bólimine oqiǵa týraly habarlama kelip tústi. Saz óndiretin karerdiń sý aidynynda 1996 jyly týǵan júrgizýshisimen birge ekskavator sýǵa ketken. Oqiǵa ornynda politsiia qyzmetkerleri men jedel qyzmet ókilderi jumys isteýde, tehnika sý astynan shyǵarylyp jatyr», – dep málimdedi politsiia departamenti.
Qosymsha aqparat keiinirek beriletini habarlandy.
