Aqmola oblysynyń Bas memlekettik sanitarlyq dárigeriniń «Aqmola oblysynyń aýmaǵynda karantindik shekteý sharalaryna ózgerister men tolyqtyrýlar týraly» jańa qaýlysy shyqty, dep habarlaidy "Ult aqparat".
Qaýlyda kópshilik jinalatyn saltanatty, otbasylyq, estelik, ujymdyq jáne basqa da is-sharalardy ótkizbei, ústel arasyndaǵy qashyqtyq 2 metrden kem emes jáne kelýshiler arasynda 1 metrden kem emes qashyqtyqty saqtaǵan jaǵdaida qoǵamdyq tamaqtandyrý obektileri qyzmetine ruqsat beriledi.
«Dámhana, meiramhana tipi boiynsha, dúkenderdegi jáne (jailardaǵy) barlar jáne t.b. toltyrylýy 50 paiyzǵa deiin, biraq oryn sany 50-den artyq emes jumys rejimi saǵat 07:00-den 24:00-ge deiin, saǵat 24-den 07:00-ge deiin ónim tek syrtqa shyǵarylyp, satylady. Saǵat 07:00-den 20:00-ǵa deiin jumys rejimimen, Aqkól, Arshaly, Shortandy, Tselinograd aýdandaryn qospaǵanda, saǵat 20:00-dan 07:00-ge deiin ónim tek syrtqa shyǵarylyp, satylady. Jazǵy alańdar - toltyrylýy 50 paiyzǵa deiin, biraq 50 orynnan asyrmai, jumys rejimi saǵat 07:00-den 24:00-ke deiin, ashana tipi boiynsha-táýlik boiy, strit-fýdtarǵa (otyratyn orny joq jeke turǵan shatyr/larek/dúńgirshek) ruqsat beriledi», - delingen qaýlyda.
Qaýly qol qoiylǵan kúninen bastap kúshine enedi.
