Aqmola oblysynda qatty turmystyq qaldyqtardyń 7 jańa poligony salynady. Bul týraly óńir ákimi Ermek Marjyqpaev óńir eldi mekenderin gazban qamtamasyz etýge qatysty aitty, dep habarlaidy QazAqparat.
«Ekologiialyq ahýalǵa bailanysty jaǵdai barynsha ózekti bolyp qalýda. Oblysta sheshim talap etetin birqatar ekologiialyq máseleler bar ekeni ózderińizge belgili. Ekologiialyq ahýaldy jaqsartý úshin, oblys ákimdigi salalyq ministrliktermen birlesip, óńirdiń ekologiialyq máselesin 2024 jylǵa deiin keshendi sheshýdiń jol kartasyn ázirlep bekitti», - dedi E. Marjyqpaev Ortalyq kommýnikatsiialar qyzmetinde.
Onyń aitýynsha, bul qujatta atmosferaǵa ziiandy shyǵarylatyn zattardy tazalaý jáne tómendetý boiynsha qazirgi zamanǵy tehnologiialardy engizý, gazifikatsiialaý, qatty-turmystyq qaldyqtardyń 7 jańa poligonyn salý, Shýchinsk-Býrabai kýrorttyq aimaǵynyń kólderin tazalaý, 5 elektrstantsiia salý jáne taǵy basqa da jobalar qarastyryldy.
Osy oraida qatty-turmystyq qaldyqtardyń jeti jańa poligony Shýchinsk, Aqkól qalalarynda, Qorǵaljyn men Arshalyda, Qosshyda, Koiandy men Zerendide ornalasady.
Sonymen qatar Kókshetaý qalasynda qoqysty suryptaýmen turmystyq qaldyqtardyń jańa poligonyn salý boiynsha jańa joba ázirlendi.
Qazirgi kezde ony rásimdeý jumysy atqarylyp jatyr.
