Aqmola oblysynda 66 jastaǵy zeinetker órtten kóz jumdy. Bul týraly brifingte memlekettik órt baqylaý basqarmasynyń bastyǵy Dýman Daleshov málimdedi, dep habarlaidy "Ult aqparat".
Onyń aitýynsha, ótken órt qaýipsizdigi kezeńinde oblysta 24 orman órti jáne 20 órt oqiǵasy tirkelgen. Bul ótken jyldyń sáikes kezeńimen salystyrǵanda alty ese joǵary.
Negizinen órttiń kóbisi qaraýsyz qalǵan ot, tastalǵan temeki tuqyly men sirińke, kólik quraldarynyń sóndirgishinen shyqqan ushqyn, shóp jaǵý, linza siiaqty iske qosylatyn shyny synyqtarynan bolyp otyr.
«Departament balalar men jasóspirimderdiń jazǵy demalys oryndarynyń, sondai-aq qaýipti aýmaqtar men orman alqaptaryndaǵy pansionattar men sanatoriilerdiń órt qaýipsizdigi salasynda tekserýler júrgizedi, olar mamyr aiynyń sońyna deiin aiaqtalady. Mobildi toptar ormanda órt qaýipsizdigi talaptary men sanitarlyq erejelerdi buzý anyqtalǵan jaǵdaida, sondai-aq qaldyqtar men qurǵaq ósimdikterdi órtegeni úshin Ákimshilik quqyq buzý kodeksiniń 336 jáne 367-baptary boiynsha ákimshilik jaýapkershilikke tartady», - dep atap ótti D.Dáleshov
Onyń aitýynsha, 26 mamyrda saǵat 07:45-te Birjan sal aýdanynyń Makinka aýylynda jeke turǵyn úide órt shyqty. Órt aýmaǵy 100 sharshy metrdi qurady.
Órttiń sebepterin anyqtaý úshin synaq-órt zerthanasy jáne MMS taǵaiyndaldy.
«Sáýir aiynda qaitys bolǵan adammen turmystaǵy órt qaýipsizdigi erejelerin túsindirý boiynsha profilaktikalyq áńgime ótkizilgen edi», - dep tolyqtyrdy D.Dáleshov.
