Aqmola oblysynyń ákimi Ermek Marjyqpaev óńirde úsh aýysymdaǵy mektepter máselesi qashan sheshiletinin aitty, dep habarlaidy QazAqparat.
«Nur Otan» partiiasynyń sailaýaldy baǵdarlamasyn júzege asyrý aiasynda biyl 10 mekteptiń qurylysy men 94 oqý ornyn jańǵyrtý qarastyrylǵan. Josparly túrde úsh aýysymdaǵy mektepter máselesi sheshilip jatyr. Jyl sońyna deiin Tselinograd aýdanynda tórt mektepti, Kókshetaýda oqytý-tárbie kesheni men qosymsha oqytý korpýsyn paidalanýǵa berý josparlanyp otyr», - dedi E. Marjyqpaev Ortalyq kommýnikatsiialar qyzmetinde.
Onyń aitýynsha, bul nysandar oblystaǵy 3 mektepte úsh aýysymda oqytý máselesin sheshýge múmkindik beredi.
«Jalpy aldaǵy jyly 980 orynǵa arnalǵan taǵy 4 mektepti tapsyrý jáne Kókshetaýdaǵy №4 orta mektepke qosymsha korpýs esebinen úsh aýysymdaǵy jáne apatty mektepter máselesin tolyq sheshemiz», – dedi ákim.
