Foto: Akorda.kz
Memleket basshysynyń Jarlyǵymen Almatydaǵy «Aqkent» yqsham aýdanynda bolǵan órt kezinde adam ómirin saqtap qalýǵa bailanysty qiyn-qystaý jaǵdaida kórsetken erjúrektigi men janqiiarlyǵy úshin bir top azamat marapattaldy, dep habarlaidy "Ult aqparat"Aqordanyń baspasóz qyzmetine silteme jasap.
«Erligi úshin» medalimen:
1) Ahmethanov Tileýjan Saparǵaliuly – «Expo Masters» JShS menedjeri, Almaty qalasy;
2) Giýnai Shiýkriý – «Spark Elektromehanik» JShS elektrigi, Almaty qalasy;
3) Ismailov Eldar Aleksandrovich – «Spark Elektromehanik» JShS elektromehanigi, Almaty qalasy;
4) Ierdelen Halil – «GASK Construction» JShS avtokran operatory, Almaty qalasy;
5) Mamedov Kenan Babauly – «Spark Elektromehanik» JShS elektromehanigi, Almaty qalasy;
6) Romanov Vadim Anatolevich – «Frank-Asia» JK avtokran operatory, Almaty qalasy.
Eske sala keteiik, Almatyda 16 qabatty úide órt shyqqan bolatyn. Qutqarýshylar kelgenge deiin turǵyndar balalaryn terezeden laqtyrdy. Zardap shekkenderdiń ishinde 2 júkti áiel bar.
Keiin Almaty qalalyq densaýlyq saqtaý basqarmasy bir adamnyń qaitys bolǵanyn habarlady.
