Mańǵystaý oblysynda aýyl ákimderine 34 kandidat úmitker retinde tirkeldi. Bul týraly Qoǵamdyq kommýnikatsiia ortalyǵynda ótken brifingide Mańǵystaý oblystyq sailaý komissiiasynyń tóraǵasy Asqar Rzahanov aitty, dep habarlaidy QazAqparat.
«Barlyǵy 39 kandidat usynyldy, onyń 17-si saiasi partiialar, 22-si ózin-ózi usyndy. 39 adamnyń ishinen óz erkimen jáne tiisti saiasi partiianyń sheshimi boiynsha 3 kandidat óz kandidatýralaryn alyp tastady. Tirkelgen 36 úmitkerdiń ishinen eki kandidattyń tirkeýi joiyldy», - dedi Asqar Rzahanov.
«Sailaý týraly» zańǵa sáikes, tirkelgen kandidattar sailaýaldy úgit júrgizýge quqyly, bul úshin oblystyq sailaý komissiiasy qarajat kólemin anyqtady. Oblystyq sailaý komissiiasynyń saitynda komissiiaǵa BAQ ókilderinen tólem mólsheri, efirlik jáne baspa betterin berý sharttary men tártibi týraly joldanǵan aqparattar jariialandy.
«Sailaý ótkiziletin okrýgterdiń basshylyǵy úmitkerlerge sailaýshylarmen kezdesýler ótkizýge jáne úgit-nasihat jumystaryn júrgizýge yqpal etýge tiisti», - dedi A.Rzahanov.
