Semei qalasynyń ákimi bolyp Baqytjan Baiahmetov taǵaiyndaldy. Ol osyǵan deiin oblys ákiminiń orynbasary laýazymynda qyzmet etken, dep habarlaidy "Ult aqparat".
"Búgin qalalyq máslihattyń kezekten tys sessiiasynda Shyǵys Qazaqstan oblysynyń ákimi Danial Ahmetov depýtattarmen kelise otyryp, Semei qalasynyń ákimin taǵaiyndady. 2019 jyldyń sáýir aiynan beri ShQO ákiminiń orynbasary bolǵan Baqytjan Baiahmetov qala ákim bolyp taǵaiyndaldy" delingen ákimdik habarlamasynda.
Jyl basynda qala ákimi bolyp taǵaiyndalǵan Nurymbet Saqtaǵanov buǵan deiin densaýlyǵyna bailanysty qyzmetinen ketken edi.
Baqytjan Kákenqajyuly 1970 jyldyń 29 tamyzynda burynǵy Semei oblysy, Aiagóz qalasynda týǵan.
1992 jyly Qazaqtyń Eńbek Qyzyl Tý ordeni aýylsharýashylyq institýtyn injener-elektrik mamandyǵy boiynsha, 2008 jyly Almaty Ortalyq Aziia ýniversitetin ekonomist mamandyǵy boiynsha bitirgen. Eńbek jolyn 1992-1999 jyldary «Altaienergo» mekemesinde Aiagóz elektr torabynyń injeneri retinde bastap, 1999-2000 jyldary jergilikti avtomatikalyq relelik qorǵaý qyzmetiniń bastyǵy bolyp taǵaiyndalady.
2000 jyly «ShQ REK» jabyq aktsionerlik qoǵamnyń tehnikalyq qamsyzdandyrý jáne relelik avtomatikalyq qorǵaý bóliminiń basshysy bolyp, 2000-2001 jyldary «VK REK» jabyq aktsionerlik qoǵamnyń bas dispetcheri bolyp jumys istedi.
2001-2004 jyldary aýdandyq elektr torabyn da bólim basshysy, torap bastyǵy qyzmetterin atqardy.
2004 jyly «ShK REK» jabyq aktsionerlik qoǵamynyń Aiagóz aimaǵynyń direktory bolyp taǵaiyndaldy.
2004-2005 jyldary Borodýliha aýdanynyń elektr torabynyń bastyǵy bolyp qyzmet aqtardy.
2005-2008 jyldary Aiagóz aýdany ákiminiń orynbasary bolyp taǵaiyndaldy.
2008-2009 jyldary «Dana-Aiagóz» jaýapkershilik shekteýli seriktestiginiń atqarýshy direktory retinde jumys istedi.
2009 jylǵy aqpan aiynan maýsym aiynda deiin Qazaqstan Respýblikasynyń Mádeniet jáne aqparat ministrligin de basqarma bastyǵy, bas sarapshy qyzmetterin atqardy.
2009 jyldyń maýsymynda Qorshaǵan ortany qorǵaý ministrliginiń biýdjettik josparlaý jáne memlekettik satyp alý basqarmasynyń bas eksperti bolyp taǵaiyndaldy.
2009 jylǵy qazanynan bastap Óskemen qalasynyń qurylys bóliminiń basshysyqyzmetine aýysty.
2010 jyldyń qarashasynan Aiagóz qalasynyń ákimi bolyp jumys istedi. 2014 jyldyń jeltoqsany men 2019 jyldyń sáýiri aralyǵynda Aiagóz aýdanyn basqardy.
2019 jyldyń 18 sáýirinen osy ýaqytqa deiin Shyǵys Qazaqstan oblysy ákiminiń orynbasary boldy.
