Foto: ashyq derekkóz
17 jeltoqsanda Almaty – Astana baǵyty boiynsha KC 851 reisin oryndaǵan Air Astana áýe kompaniiasynyń ushaǵy borttaǵy konditsiialaý júiesinen sipatsyz iis shyǵýyna bailanysty ushý áýejaiyna qaita oraldy, dep habarlaidy Ult.kz.
Ushý qaýipsizdigin qamtamasyz etý maqsatynda áýe kemesiniń komandiri Almatyǵa keri qoný týraly sheshim qabyldaǵan. Ushaq jergilikti ýaqyt boiynsha saǵat 07:40-ta shtattyq rejimde sátti qondy.
Áýe kompaniiasynyń málimetinshe, jolaýshylarǵa ystyq jáne salqyn sýsyndar, sondai-aq jeńil taǵamdar usynylǵan. Olar Astanaǵa basqa áýe kemesimen saǵat 10:15-te jóneltiledi.
Qazirgi ýaqytta oqiǵaǵa bailanysty áýe kemesine josparly tehnikalyq tekserý júrgizilýde.
