Foto: airastana.com
Air Astana baspasóz qyzmeti Taiaý Shyǵystaǵy jolaýshylardy qoldaý sharalary týraly málimet berdi, dep habarlaidy Ult.kz.
Reisterdiń Taiaý Shyǵys baǵyttaryna májbúrli túrde ýaqytsha toqtatylýyna bailanysty Air Astana kompaniialar toby óńirde qalyp qoiǵan jolaýshylardy qoldaý maqsatynda birqatar sharalardy júzege asyrýda.
Qazirgi ýaqytta áýekompaniianyń esebinen tómendegi jolaýshylar sany qonaqúilerge ýaqytsha ornalastyryldy:
• Doha – 174 jolaýshy;
• Deli – 231 jolaýshy (Almaty – Dýbai reisi);
• Dýbai – 330 jolaýshy.
Fors-major jaǵdaiyna qaramastan, jolaýshylarǵa bir táýlik tegin turý múmkindigi oilastyryldy.
Áýekompaniia Dýbai qalasyndaǵy Flora Al Barsha jáne Flora Creek qonaqúilerimen tegin turý merzimi aiaqtalǵannan keiin Air Astana jolaýshylary úshin arnaiy tarifter usyný jóninde kelisimge keldi.
Áriqarai qonaqúide turý máselesi týyndaǵan jaǵdaida, sondai-aq quqylyq jáne repatoriatsiialyq máseleler boiynsha jolaýshylarǵa Qazaqstan Respýblikasynyń sheteldegi mekemeleriniń jedel bailanys jelilerine múmkindiginshe tez ýaqytta habarlasý kerek.
Bailanys nómirleri QR Syrtqy ister ministrliginiń resmi saitynda jariialanǵan: https://www.gov.kz/memleket/entities/mfa/press/news/details/1171811?lang=kk
