Aqparatqa qol jetkizý máseleleri jónindegi komissiianyń otyrysynda QR Aqparat jáne qoǵamdyq damý ministri Aida Balaeva baiandamashylarǵa qazaq tilinde de sóileý qajettigin eskertti, dep habarlaidy "Ult aqparat".
«Barlyq baiandamashylarǵa aitarym, slaidtyń bári oryssha bolǵannan keiin ózderińizdiń baiandamalaryńyzdy qazaqsha jasaýǵa bolady ǵoi. Óitkeni, bul jinalysymyz feisbýkte ótip jatyr. Buǵan qosa, biz aqparattandyrý máselesin aityp otyrmyz. Al memlekettik tilde aqparat jetkilikti emes. Jumysymyz orys tilinde júrgizilgennen keiin halyq túsinbei otyr», - dep eskertti ministr.
Onyń atap ótýinshe, baiandamashynyń slaidy orys tilinde bolsa, onda baiandamasyn qazaq tilinde jasaýy qajet.
«Slaidtarymyz oryssha jasalsa, baiandamany qazaqsha jasaýǵa bolady. Ne bolmasa slaidtardy qazaqsha, baiandamany oryssha jasasaq. Komissiia músheleri jáne baiandamashylar osy máseleni qaperde ustaý qajet siiaqty», - dedi Aida Balaeva.
Aita keteiik, Aida Balaevanyń tóraǵalyǵymen onlain formatta ótken Aqparatqa qol jetkizý máseleleri jónindegi komissiianyń otyrysynda múmkindigi shekteýli adamdardyń aqparatqa qol jetkizý máseleleri, memlekettik organdardyń ashyqtyq deńgeiin jyl saiynǵy baǵalaýdyń negizgi qorytyndylary, memlekettik organdardyń internet-resýrstarynyń biryńǵai tuǵyrnamasynyń jumysy, sondai-aq «Ashyq biýdjetter» portalyn jetildirý boiynsha jumys josparynyń oryndalýy talqylandy.
