Aqparat jáne qoǵamdyq damý ministri Aida Balaevanyń halyq aldyndaǵy eseptik kezdesýinde «Qalaýlym» baǵdarlamasy nege jabylmaǵany týraly saýal qoiyldy, dep habarlaidy "Ult aqparat".
«Bul endi aita-aita jaýyr bolǵan másele ǵoi. Dese de, Aqparat jáne qoǵamdyq damý ministrliginiń kez kelgen baǵdarlamany "unamasa, jaýyp tastaityn" quzyreti joq. Zań bar. Siz aityp otyrǵan baǵdarlamalardyń barlyǵy jekemenshik BAQ-tarda júrgizilip jatyr. Biraq qoǵamnan narazylyq bolǵannan keiin biz olarmen sóilesip, naqty usynystarymyzdy berdik», - degen vedomstvo basshysy mundai baǵdarlamalarǵa qoǵamnyń bir bóligi narazylyq bildirgenimen, taǵy bir bóligi qyzyǵyp kóretinin eskertti.
«Búginde «Astarly aqiqat», «Qalaýlym» degen baǵdarlamalar reitingtiń eń basynda tur eken. Ol degenimiz – suranys bar. Halyq kórgennen keiin BAQ iesi ol baǵdarlamany eshqashan jappaidy. Sondyqtan bizdiń negizgi maqsat – ministrlik pen BAQ jumylýymyz kerek. Halyqtyń mádenieti men talǵamyn kóterý kerek. Sol máseleler jolǵa qoiylsa, halyq aq pen qarany aiyra bilse, sondai baǵdarlamalardyń reitingi tómendeidi», - dedi ministr.
