Búgin QR Aqparat jáne qoǵamdyq damý ministri Aida Balaeva Astana jáne Qazaqstan mitropoliti Aleksandrmen kezdesti, dep habarlaidy "Ult aqparat".
Kezdesý barysynda ministr syndarly memlekettik-konfessiialyq qatynastardy damytý memlekettik saiasattyń mańyzdy baǵyttarynyń biri bolyp tabylatynyn atap ótti. Bul, ásirese, rýhani dástúrlerdi qalyptastyratyn jáne beibitshilik pen kelisimdi nyǵaitýǵa eleýli úles qosatyn dini birlestikterge qatysty.
Sondai-aq, ministr Qazaqstannyń pravoslavie shirkeýi rýhani-adamgershilik mádenietti qalyptastyrýda, qoǵamda ulttyq qundylyqtar men dástúrlerdi saqtaýda, jastardy patriottyq sezimge baýlýda memlekettiń senimdi seriktesi ekenin atap ótti.
Aida Balaeva Aqparat jáne qoǵamdyq damý ministrligi elimizdiń dini birlestikterimen, sonyń ishinde pravoslavie shirkeýimen seriktestik qarym-qatynas ornatyp jatqanyn atap ótti.
