Foto: TSM
QR Premer-ministriniń orynbasary – mádeniet jáne aqparat ministri Aida Balaeva men týrizm jáne sport ministri Erbol Myrzabosynov Jetisý oblysyndaǵy týristik infraqurylymnyń jazǵy maýsymǵa daiyndyǵymen tanysyp, Alakól jaǵalaýyndaǵy negizgi nysandardyń jai-kúiin tekserdi, dep habarlaidy Ult.kz.
Jumys saparyna ortalyq memlekettik organdardyń, Úkimet apparatynyń, salalyq vedomstvolardyń ókilderi, sondai-aq Jetisý oblysynyń ákimi Beibit Isabaev qatysty.
Tekserý barysynda Úkimet basshysynyń orynbasary qonaqúi keshenderi, káriz-tazartý qurylystary nysany, Kóktuma aýylyndaǵy jaǵalaýdy bekitý ýchaskesi jáne Úsharal qalasynyń áýejaiyn aralady. Ár baǵyt boiynsha nysandardyń qazirgi daiyndyǵy men jobalardyń iske asý qarqyny jóninde baiandaldy.
Jumys saparynyń qorytyndysy boiynsha Premer-ministrdiń orynbasary jaǵalaýdyń jazǵy maýsymǵa tolyq daiyndyǵyn qamtamasyz etýdi, negizgi infraqurylymdyq jobalardy belgilengen merzimde aiaqtaýdy, qaýipsizdik pen sanitariialyq kútip-ustaý sharalaryn kúsheitýdi, demalýshylarǵa arnalǵan kórneki profilaktikalyq túsindirý jumystaryn jolǵa qoiýdy, sondai-aq týrister aǵynynyń ósýi men ishki týrizmdi damytýdyń uzaqmerzimdi mindetterin eskere otyryp, týristik aimaqty júieli jańǵyrtýdy jalǵastyrýdy tapsyrdy.
