QMA L.Gýmilev atyndaǵy Eýraziialyq ulttyq ýniversitetimen birlese otyryp, «Tártipti ózińnen basta!» atty estafetasyn bastady. Bul týraly QR QMA Baspasóz qyzmeti habarlaidy.
Is-shara barysynda stýdenttermen qarjylyq piramidalar, drop shemalary jáne lýdomaniia siiaqty ózekti máseleler talqylandy.
Bul is-shara qaryzsyz qoǵamdy qalyptastyrýǵa, zańdylyq pen quqyq tártibin damytýǵa jáne stýdentterdiń qarjylyq saýattylyǵyn arttyrýǵa baǵyttalǵan mańyzdy bastamalardy júzege asyrýdaǵy basty qadam boldy.
QMA qyzmetkerleri árbir taqyryp boiynsha shynaiy bolǵan jaǵdailardy talqylap, azamattar arasynda kezdesetin qaýipterden jáne jinaǵan qarajattaryn joǵaltýdan qalai saqtaný kerektigin aitty.
EUÝ rektory Erlan Sydykov osyndai kezdesýlerdiń mańyzdylyǵyn atap ótip, ýniversitettiń qarjy salasyndaǵy zańdylyq pen tártipti qamtamasyz etetin bilikti mamandardy daiarlaýda belsendi qoldaý kórsetýge daiyn ekenin málimdedi.
Kezdesý barysynda ýniversitet basshylyǵy Agenttikke ekonomikalyq jáne qarjylyq qaýipsizdik pen saýattylyq salasyndaǵy zańnamalyq normalardy jetildirýge daiyn ekenindikterin bildirdi.
Shamamen 1000 stýdent qatysqan is-sharada qatysýshylar belsendi túrde suraqtaryn qoiyp, qarjylyq qaýipsizdik máselelerin talqylady.
Sonymen qatar alaiaqtyq pen qarjylyq táýekelderden qorǵaný tásilderi boiynsha bilimderin nyǵaitty.
Agenttik «Tártipti ózińnen basta!» estafetasyn Astana qalasy boiynsha Ekonomikalyq tergep-tekserý departamentine joldap, jastardy qarjylyq jáne ekonomikalyq qaýipsizdik salasynda damytý jáne nasihattaý jumystaryn jalǵastyrady.
Aita keteiik, bul aýqymdy is-shara elimizdiń barlyq óńirlerin qamtityn bolady.
