Ábý-Dabidiń densaýlyq saqtaý departamentiniń tóraǵasy sheih Abdalla bin Mýhammed Al Hamed pen onyń orynbasary mindetin atqarýshy dáriger Djamal Alkaabi COVID19-ǵa qarsy ekpeni klinikalyq synaqtan ótkizetin eriktiler qataryna qosyldy. Bul týraly WAM agenttigi habarlady.
Synaq ámirliktiń túrli memlekettik meditsinalyq mekemelerinde ótedi.
Qazirgi ýaqytta Qytaidyń China National Biotec Group (CNBG) kompaniiasy jasap shyǵarǵan COVID-19-ǵa qarsy ekpeniń III synaq merzimi júrip jatyr. Ony Densaýlyq saqtaý ministrliginiń basshylyǵymen Ábý-Dabidiń mamandandyrylǵan meditsinalyq komandasy synaqtan ótkizýde.
Al Hamed pen Alkaabi ekpeniń dozasyn qabyldaý úshin Sheih Halif atyndaǵy meditsinalyq qalashyqqa keldi.
«Búginde BAÁ tek óz halqy úshin ǵana emes, barlyq adamzat úshin ekpe izdeýge óz úlesin qosýda. Biz azamattarymyzdyń densaýlyǵyn qamtamasyz etý úshin barlyq múmkindikterdi paidalanyp, barynsha kúsh salýymyz qajet», - dep málimdedi Al Hamed.
Ol BAÁ barlyq azamattary men turǵyndaryn koronavirýs infektsiiasyna qarsy ekpeni klinikalyq synaqtan ótkizýge qatysýǵa shaqyrdy.
Eske salaiyq, BAÁ densaýlyq saqtaý organdary 15000 eriktiniń klinikalyq synaqtan ótkizýge qatysýyna ruqsat etti.
Vaktsinany synaqtan ótkizýdiń I jáne II kezeńi sátti aiaqtalyp, eriktilerdiń júz paiyzynan antidene anyqtaldy.
