BTA bank 2014 jyldyń 1 qańtarynan bastap 2016 jyldyń 1 shildesine deiin banktiń burynǵy basshysy Muhtar Ábziazov jymqyrǵan 1,4 milliard dollardy qaitaryp aldy, - dep habarlaidy kaz.tengrinews.kz tilshisi qarjy uiymynyń baspasóz qyzmetine silteme jasap.
"BTA Bank" AQ málimdeidi: 2014 jyldyń 1 qańtarynan bastap 2016 jyldyń 1 shildesine deiin basshylyqtyń (Keńes Raqyshev) qatysýymen, bank birshama qaryz aktivterdi (1,4 milliardy AQSh dollary) qaitardy. Aktivterdi qaitarý Raqyshev myrzanyń BTA-nyń basshylyq tobyna kelýimen edáýir ósti. Ulybritaniia men Ýelstiń Joǵarǵy sot úkimin oryndaý barysynda, Resei federatsiiasynyń, Ýkrainanyń jáne Qazaqstan Respýblikasynyń sot sheshimderine orai, BTA bankke tiesili múlikter men qarajattar qaitaryldy", - delingen habarlamada. Soǵan qaramastan Ulybritaniia soty Ábliazovty BTA bankine paiyzdyq eseppen 4,8 milliard dollardy qaitarý úkimin shyǵarǵan.
"Biz barlyq sot sheshimderin qoldaimyz, sonyń ishinde ulybritaniialyq jáne ámerikalyq ádilet zańdaryn. Olar kezinde Ábliazov jymqyrǵan BTA bankine tiesili qarajattardy bankke qaita qaitarýdy kózdep otyr jáne bank soǵan quqyly. Osy baǵyttaǵy jumystar áli de jalǵasyn tabady, - dedi BTA bankindegiler.
Eske sala keteiik, BTA bankiniń burynǵy basshysy 2013 jyldyń shilde aiynda Frantsiiada tutqyndalǵan bolatyn. Ol Qazaqstanda 6 milliard dollardan asa qarjyny jymqyrdy jáne basqa da qarjylyq alaiaqtyq jasady dep aiyptalyp otyr. Qazaqstanda oǵan múlkin tárkileýmen birge 13 jylǵa bas bostandyǵynan aiyrý jazasy berilýi múmkin.
