- Aqtóbe qalasynyń №2 sotynda QR QK-niń 366 babynyń 2 bóligimen aiyptalǵan «Qazaqstan Respýblikasy Ádilet ministrliginiń Sot saraptamasy ortalyǵy» memlekettik mekemesiniń Aqtóbe oblysy boiynsha filialynyń direktory M.J. Mustafaǵa qatysty qylmystyq isi qaralyp aiaqtaldy, dep habarlaidy Aqtóbe oblysy sotynyń baspasóz qyzmeti.
Sot úkimi boiynsha M. Mustafa memlekettik fýnktsiialardy oryndaýǵa ýákilettik berilgen tulǵaǵa teńestirilgen adam bola tura, Aqtóbe oblysy Áiteke bi aýdanyndaǵy "Han molasy" qorymyndaǵy Ábilqaiyr han memorialdy kesheni qurylysyna qatysty júrgizilgen sot saraptamasyn «AinÁD» JShS-niń paidasyna sheshý úshin 2016 jyly 6 aqpanda Aqtóbe qalasyndaǵy «Bochonok» dámhanasynda, aldyn ala kelisilgen ýádege sáikes, aitarlyqtai mólsherde - 500 000 /bes júz myń/ teńge kóleminde parany jeke ózi alý kezinde sybailas jemqorlyqqa qarsy is-qimyl Ulttyq biýrosynyń Aqtóbe oblysy boiynsha departamentiniń qyzmetkerlerimen ustalǵan.
Sot jaza taǵaiyndaý kezinde M.Mustafanyń jaýaptylyǵyn jeńildetetin mán-jailar retinde buryn sottalmaǵanyn, januialyq jaǵdaiyn, oń minezdeletinin eskergen. Sottalýshynyń jaýaptylyǵyn aýyrlatatyn mán-jailar sotta anyqtalmaǵan.
Sonymen qatar sot M.Mustafanyń memlekettik fýnktsiialardy oryndaýǵa ýákilettik berilgen tulǵaǵa teńestirilgen adam bola tura, memlekettik qyzmet pen memlekettik basqarý múddelerine qarsy sybailas jemqorlyqpen bailanysty qylmystyq quqyqbuzýshylyq jasaǵanyn eskerdi.
Joǵaryda kórsetilgen mán-jailardy, sonymen qatar QR QK-niń 55 babynyń 2 bóligine sáikes jasalǵan qylmys belgisi retinde kózdelmegen jeńildetetin mán-jai bolǵan jáne aýyrlatatyn mán-jailar bolmaǵan kezde, aýyr qylmystar boiynsha jaza merzimin jazanyń anaǵurlym qatań túriniń eń joǵary merziminiń úshten ekisinen aspaýy tiis (iaǵni 4 jyl 8 aidan aspaýy tiis) talabyn eskere otyra, 8 tamyz 2016 jylǵy sot úkimimen M.J.Mustafa QR QK-niń 366 babynyń 2 bóligimen múlki tárkilenip, jaýapty memlekettik laýazym atqarý jáne memlekettik mekemede qyzmet isteý quqyǵynan ómir boiyna aiyrylyp, 4 jyl 8 aiǵa bas bostandyǵynan aiyrý jazasy taǵaiyndaldy.
Sot úkimi zańdy kúshine engen joq.
