Abai oblysyndaǵy KAZ Minerals shahtasynda jumysshy qaza tapty

Foto: ashyq derekkóz

Abai oblysyndaǵy Orlov shahtasynda eki jumysshy ziiandy gazben ýlanyp, sonyń saldarynan bireýi qaitys boldy. Qaiǵyly oqiǵa 19 naýryz kúni tańerteń bolǵan, dep habarlaidy Ult.kz.

«KAZ Minerals» tobynyń baspasóz qyzmeti habarlaǵandai, zardap shekken ekinshi jumysshy qazirgi ýaqytta aýrýhanada meditsinalyq kómek alýda. Al qaza tapqan kenshi aýrýhanaǵa bara jatqan jolda jan tapsyrǵan. Kompaniia basshylyǵy marqumnyń jaqyndaryna qajetti kómek kórsetiletinine ýáde berdi.

Qazirgi ýaqytta oqiǵanyń mán-jaiy men sebepteri anyqtalyp jatyr. Jaǵdaidyń kúrdeliligine bailanysty «KAZ Minerals» tobynyń basqarma tóraǵasy Andrei Tretiakov tergeý amaldaryna jeke qatysý úshin Orlov shahtasyna arnaiy attandy.