Foto: Almaty metropoliteni
Almatyda metropoliteninde jolaýshy relsterge qulap ketti. Oqiǵanyń beinejazbasy áleýmettik jelilerde taraldy, dep habarlaidy Ult.kz.
Qaiǵyly oqiǵa «Abai» metro beketinde bolǵan. Almaty qalasy Politsiia departamentiniń málimetine sáikes, relske qulap ketken 26 jastaǵy jigit mert boldy.
— Atalǵan derek boiynsha tergeý amaldary júrgizilip jatyr. Oqiǵa saldarynan 26 jastaǵy zaǵip jigit kóz jumdy. Oqiǵanyń basqa da mán-jailary anyqtalady, — dep habarlady qalalyq PD baspasóz qyzmeti.
Vedomstvonyń málimetinshe, jolaýshy qaza bolǵan «Abai» metro beketi ýaqytsha jabyldy
Stantsiia kezekshisi men mashinistiń jedel reaktsiiasynyń arqasynda qozǵalys toqtatylyp, jolaýshy perronǵa alynǵan.
— «Abai» stantsiiasy tergeý áreketteri aiaqtalǵanǵa deiin quqyq qorǵaý organdarymen jabyldy. Metropoliten shtattyq rejimde jumys isteidi. Alaida politsiia qyzmetkerleri tergeý áreketteri aiaqtalǵanǵa deiin «Abai» stantsiiasyna kirý ýaqytsha jabylatynyn, sondai-aq bul stantsiiaǵa poiyzdar ýaqytsha toqtamaitynyn atap ótti, — dep habarlady Almaty metrosynyń ákimshiligi.
