2021 jylǵy 1 jeltoqsandaǵy jaǵdai boiynsha 198,1 myń otbasyndaǵy 988,8 myń adamǵa ataýly áleýmettik kómek (AÁK) taǵaiyndaldy. Aǵymdaǵy jyly osy maqsatqa biýdjetten 68,5 mlrd teńge bólindi, dep habarlaidy QazAqparat.
AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeiiniń 70%-ynan tómen azamattarǵa taǵaiyndalady.
Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deiingi balalaryn kepildik berilgen áleýmettik toptamamen (budan ári – áleýmettik toptama) qamtamasyz etý boiynsha jumys júrgizilýde.
2021 jylǵy 1 jeltoqsanda AÁK alýshylar qataryndaǵy 1 jastan 6 jasqa deiingi 265,1 myń balaǵa azyq-túlik jáne turmystyq himiia jiyntyǵy túrinde áleýmettik toptama taǵaiyndaldy.
Esterińizge sala keteiik, AÁK alýshylarǵa TJ tártibi men karantindik shekteý sharalarynyń qoldanylýyna bailanysty 2020 jylǵy II, III jáne IV toqsandarda, sondai-aq 2021 jylǵy I, II toqsandarda kómek taǵaiyndaý uzartyldy.
Qazirgi ýaqytta qazaqstandyqtar AÁK taǵaiyndaýǵa ótinishti turǵylyqty jeri boiynsha jumyspen qamtý ortalyǵynda, sondai-aq egov.kz elektrondyq úkimet portaly arqyly bere alady.
