Foto: 24kz
Batys Qazaqstan oblysynyń 93 jastaǵy turǵyny áleýmettik jeli qoldanýshylaryn tánti etti, dep habarlaidy Ult.kz 24kz-ke silteme jasap.
Oqiǵa Jańǵala aýdanynda túlekter kezdesýinde boldy. 40 jyldan keiin ushqan uialaryna oralǵan túlekter qaitadan partaǵa otyrǵan. Al qart ustaz Nabiia Tilepbergenova olarǵa matematika sabaǵyn ótkizip, taqtaǵa formýla men esep jazyp, jinalǵandardyń oqýshy kezeńin esterine túsirdi.
Bul qazaqstandyqtardy tánti etken video ótken jyldyń mamyr aiynda túsirilgen. Jaqynda ony Nabiia Tlepbergenovanyń bir shákirti áleýmettik jelide jariialapty. Qart ustazdyń esimi Jańǵala aýdanynyń turǵyndaryna jaqsy tanys. Matematika pánin oqytýǵa jarty ǵasyrǵa jýyq ýaqytyn arnaǵan Nábiia apai qazir qurmetti eńbek demalysynda bolsa da, áli kúnge deiin nemerelerine bilim berip keledi. Úlkenderin Ulttyq biryńǵai testileýge daiyndap, olardyń barlyǵy grantqa oqýǵa túsken. Qazir Nabiia apai 7-synypta oqityn nemeresi Nurasyldy oblystyq matematika olimpiadasyna daiyndaýda. Ájesiniń arqasynda ol algebra men geometriiadan joǵary nátijeler kórsetip júrgenin aitady.
Nurasyl Tóleýǵali, N.Tlepbergenovanyń nemeresi:
- Men mektepten kelgende ájege mektepte túsinbegen esepterdi aitamyn. Sosyn ájem túsindirip, jáilep aitady jáne maǵan kóptegen mysaldar, esepter beredi.
Matematikaǵa bar ǵumyryn arnaǵan Nabiia apaidyń basty qasieti: shákirtterin óz pánine ońai baýrap alýynda. Sábi sanaǵa der kezinde baǵyt-baǵdar berý árbir ustazdyń mindeti. Meniń túlekterimiń basym kópshiligi injener, qarjyger nemese esepshi bolyp shyqsa, ol eńbegimniń jemisi,-deidi qart ustaz.
Nábiia Tilepbergenova, Oral qalasynyń turǵyny:
«Negizi balanyń sabaqty meńgerýi uzaq ýaqyt esine saqtaýy ol oqytýshyynń sabaq berý sheberlgine, ádis-tásiline óz-ózi balanyń aldyna ustaýyna, balany, klassty meńgerýine bailanysty. Men áýelden balanyń aldyna kelgennen keiin balalarǵa eskerttim: ainalaiyndar, eń áýeli typ-tynysh otyryp sabaǵymyzdy túsinip alaiyq Sonan keiin qalǵan 1-2 minýtymyzǵa kóńildi áńgimeler aityp, qyzyqty esepter shyǵaryp kúlip oinarmyz.
Nábiia apaidyń otbasynda ósken toǵyz balanyń ishinen ustaz jolyn kenje qyzy Aqtoty jalǵastyrypty. Ol anasynyń áli kúnge belsendiligi men kásibine degen adaldyǵyn maqtanysh etedi. 93 jastaǵy keiýana jadyn jattyqtyrý úshin árdaiym gazet-jýrnaldar men kitaptar oqidy eken. Aqtoty áleýmettik jelide anasyn quttyqtap, jyly lebizderin qaldyrǵan qazaqstandyqtarǵa alǵysyn bildirdi.Tek myńdaǵan shákirttiń sanasyna bilim nárin sepken ardager mamannyń osy ýaqytqa deiin eleýsiz bolǵany ókinishti,-deidi ol.
Aqtoty Tlepbergenova, N.Tlepbergenovanyń qyzy:
- Kózi tirisinde, eńbegi elengenine qýanamyz. Biraq ta bir ókinishtisi áleýmettik jeli arqyly tanylyp jatyrǵany. Osynshama óz ǵumyrynyń jarty ǵasyryn bala tárbiesi men bilimine arnaǵanda shákirtteriniń osy áleýmettik jelige salǵannan keiin ǵana tanylǵany endi kóńildi qynjyltady. Osy ýaqytqa deiin anamyzdyń bilim bóliminen bir de bir marapaty joq eken.
Nábiia apanyń sergek ári uzaq ómir súrýiniń qupiiasy – salaýatty ómir salty. Ol kún saiyn serýenge shyǵyp, erte jatyp, qalypty tamaqtanýǵa tyrysady. Al onyń túlekteri ustazymen bailanysyn úzbei, qonaqqa kelip, qońyraý shalyp, árdaiym quttyqtap turady.
