800 myńnan astam qazaqstandyq Biryńǵai jinaqtaýshy zeinetaqy qoryndaǵy zeinetaqy jinaqtarynyń bir bóligin jeke basqarýshy kompaniianyń senimgerlik basqarýyna bere alady, dep habarlaidy "Ult aqparat".
QR Qarjy naryǵyn retteý jáne damytý agenttiginiń málimetinshe, 2021 jylǵy 1 aqpandaǵy jaǵdai boiynsha zeinetaqy jinaqtary bar 829 368 adam zeinetaqy jinaqtarynyń bir bóligin Biryńǵai jinaqtaýshy zeinetaqy qorynan jeke basqarýshy kompaniialarǵa senimgerlik basqarýǵa berý quqyǵyn paidalana alady.
«Zeinetaqy jinaqtaryn jeke basqarýǵa berý quqyǵyn usyný BJZQ salymshylarynyń ózderiniń jinaq aqshasyn basqarýǵa degen múddeliligin arttyrady, qazaqstandyq emitentterdiń baǵaly qaǵazdaryna institýtsionaldyq suranysty yntalandyrady jáne jalpy alǵanda ekonomikaǵa oń áser etedi dep kútilýde», - dep atap ótedi agenttikten.
Eske salsaq, 2 qańtarda QR Prezidenti Qasym-Jomart Toqaev zeinetaqy jinaǵynyń bir bóligin maqsatty paidalanýǵa qatysty zańǵa qol qoidy.
23 qańtardan Qazaqstanda zeinetaqynyń bir bóligin alýǵa ótinim qabyldaý bastaldy.
